Drejtori i Përgjithshëm i Policisë së Shtetit, Ardi Veliu ka firmosur vendimin për të bërë disa ndryshime në institucionin që ai drejton. Sipas urdhrit të Veliut, disa shefa komisariatesh në Tiranë, Vorë dhe Kavajë do të ndryshojnë pozicionet e tyre.
Më konkretisht, në komisariatin nr. 5 në Tiranë është larguar Ali Skura. Në vend të tij është emëruar Altin Lila, i cili më parë ka qenë drejtor në sektorin e vrasjeve në Policinë e Tiranës.
Ndryshimet kanë prekur edhe komisariatin e Vorës, i cili tani do të drejtohet nga Aliosha Broka. Ky i fundit më parë ka qenë shef te komisariati në Kavajë. Ndërsa në krye të komisariatit të Kavajës është vendosur Sali Skuraj.
(M. I. Faxweb.al)
