Një çift australian ka përjetuar momente të tmerrshme kur kuptoi se kishte hedhur padashur në plehra unazat e me diamant të martesës e fejesës së tyre.
Dyshja, që nuk deshi ta bënte publik identitetin, ka qenë duke rinovuar shtëpinë në periferi të Melbourne.
Bashkëshortët e morën me vrull pastrimin e banesës, pa kuptuar ndërkohë se kishin hedhur aksidentalisht edhe kutitë ku mbanin unazat e çmuara.
Ata kërkuan si të cmendur në qendrën e grumbullimit te mbeturinave, dhe kur ajo u mbyll, u rikthyen sërish ditën tjetër.
Këtë radhë patën ndihmën e mbledhësve të plehrave dhe punonjësve bashkiakë. Në fund, pasi u kontrolluan 30 tonë mbeturina, ndodhi mrekullia, kutia e vogël rozë doli në dritë së bashku me unazat!
Discussion about this post