Gazetari Besar Likmeta ka dalë kundër paketës antishpifje të qeverisë. Në një prononcim për “FaxNews”, Likmeta tregoi arsyet pse e kundërshton këtë projektligj. Sipas tij, qeveria po kërkon të zhbëjë gjithçka ka arritur media deri më tani.
“Ka një histori në Shqipëri që institcuione si AKEP dhe AMA, drejtues që janë të zgjedhur politikisht, nuk kanë treguar aftësinë e duhur për të bërë punën. Vetërregullimi është një përpjekje e madhe që nuk fillon me një ditë dhe mbaron të nesërmen.
Media ka vite që përpiqet ta bëjë këtë, kanë kode etike, kanë vijë editoriale dhe i zbatojnë. Qeveria po kërkon të zhbëjë atë që është arritur deri më sot. Nuk mund të them se do të kemi kontroll total të medias, por do të kemi një situatë të rrezikshme.
Gazetarët mund të vetëcensurohen. AMA kthehet në një kuazi-gjykatë dhe apelimi administrativ mund të bëhet shumë i vështirë pastaj sepse është e vështirë që të gjenden resurset ekonomike për të bërë apelimin”, u shpreh Besar Likmeta.
(M. I./ Faxweb.al)
Discussion about this post