Plagë të shumta në trup dhe mbishkrim në gjoks, 37-vjeçari inskenon vdekjen e tij për t’i shpëtuar mafias shqiptare

Një 37-vjeçar ka menduar një plan për të shpëtuar nga hakmarrja e mafias shqiptare. Gabriel C., i cili është një emër i njohur në botën e krimit në Antverp të Belgjikës, ka inskenuar vdekjen e tij me qëllim që mafia të mos e ndiqte më.

Sipas medias belge “Nieuws Blad”, 32-vjeçari ka kontaktuar me një grimier, i cili i ka vizatuar në trup plagë të shumta dhe i ka vënë edhe një mbishkrim në gjoks “Hajdut” me qëllim që gjithçka të dukej sa më reale.

Pas hetimeve u zbulua se gjithçka ishte një inskenim i përgatitur nga një grimier profesionist. Por kjo nuk është hera e parë që Gabriel C. e bën diçka të tillë.

Edhe në tetor të këtij viti, ai  inskenoi vdekjen e tij, duke përhapur një certifikatë nga policia e Gambias, ku thuhej se ai ishte mbytur në një liqen. Sipas mediave belge, mendohet se Grabriel i ka vjedhur një sasi të konsiderueshme kokaine mafias shqiptare.