Kuvendi ka rrëzuar dy dekretet e presidentit Ilir Meta, për “Ligjin për Rininë” si dhe ligjin për “Korporatën e Investimeve”. Kuvendi ka rrëzuar më 82 vota ligjin për “Korportaën e Investimeve” dhe me 83 vota “Ligjin për Rininë”.
Kujtojmë se në vlerësimin e Presidentit “Ligjin për Rininë”, binte në kundërshtim me parimet kushtetuese, aktet ndërkombëtare të ratifikuara nga Republika e Shqipërisë, si dhe fryma e këtij ligji nuk përputhet me interesat reale të rinjve shqiptarë; për rrjedhojë, ky ligj nuk është në harmoni me interesin publik e kombëtar.
Ndërsa për sa i përket kthimit të ligjit për “Korporatën e Investimeve”, Meta argumentonte se pasi duhet që të rishikohet përbërja dhe funksionet e organeve drejtuese.
“Qëllimi real i këshillit të ministrave nuk ka qëne vetëm krijimi i korporatës por trajtimi i kësaj shoqërie me legjislacion të veçantë. Rrezikohet që nëse aksioneri që është në mazhorancë të marrë vendime me pronat shtetërore pamarrë në konsideratë interesin publik. Rrezikohet që zhvillimi i projektit të favorizojë privatin dhe jo interesin publik”, thuhet mes të tjerave në deklaratën e presidencës.
