Kosova ende nuk e ka një qeveri të re, edhe pse kryetari i Lëvizjes Vetëvendosje, Albin Kurti dhe kryetari i LDK, Isa Mustafa kanë takime të shpeshta me njëri-tjetrin.
LDK kërkon postin e presidentit, por për Vetëvendosjen kjo është e tepërt. Kreu i Lëvizjes Vetëvendosje në Tiranë, Enis Sulstarova ka deklaruar në “Ora News” se kjo tregon që LDK është gati të bëjë pazare me opozitën, për sa kohë që nuk po gjendet gjuha e përbashkët për të nënshkruar marrëveshjen.
“Për ne qeveria duhet të formohet një orë e më parë. LDK, u tregua e stepur, ndoshta për problemet e brendshme që ajo ka, ata pritën rezultatin zyrtar, më pas nxorrën në tryezë kërkesa që nuk ishin të pritshme, sepse realisht u votua për qeverinë dhe jo për presidentin.
Kështu që normalisht presidenti është hapi i dytë, fakti që LDK e hedh në tryezë Presidentin, sepse presidenti do më shumë vota sa ka koalicioni dhe kjo do një tejtër negocim paraprak me të tjera parti që janë në opozitë, dhe kjo gjë tregon se LDK është e hapur përsëri për të bërë diskutiem dhe pazare me parti të tjera që janë në opozitë”, tha Enis Sulstarova.
(M. I./ Faxweb.al)
Discussion about this post