Një makinë është përfshirë nga flakët mesditën e sotme në qytetin e Vlorës. Sipas burimeve të “Faxweb.al”, makina tip “Renault Clio” ishte e parkuar në momentin që u dogj.
Ngjarja ka ndodhur në lagjen “Pavarësia” në zonën e skelës në orën 12:10. Burimet konfirmojnë se automjeti është djegur në pjesën e brendshme dhe se i përket shtetases me iniciale A. K..
Në vendin e ngjarjes kanë mbërritur menjëherë forcat zjarrfikëse dhe ato të policisë, të cilat kanë nisur hetimet. Deri tani dyshohet se makina është djegur për shkaqe aksidentale.
(M. I./ Faxweb.al)
