Një burrë u qëllua për vdekje në pragun e shtëpisë së tij në Londër mbrëmë në prag të Krishtlindjes, duke e rritur kështu numrin e vrasjeve në 146.
Njeriu i armatosur gjuajti pesë plumba mbi viktimën. Banorët në Church Road, Battersea, duke u vendosur në shtëpitë e tyre natën para Krishtlindjes, u tronditën nga zhurmat e armës.
Një doktor që jeton përballë viktimës u rrëzua në përpjekje të dëshpëruar për të shpëtuar burrin që u qëllua, ndërsa familjarët e viktimës rrethuan trupin e pajetë të tij.
Policia dhe ambulanca mbërritën në vendin e ngjarjes në jug-perëndim të Londrës rreth 15 minuta pasi banorët në panik dëgjuan krismat e armës.
Sipas “Daily Mail”, Julian Stratton, 51 vjeç, ishte në shtëpinë e prindërve të tij vetëm disa metra larg vendit të ngjarjes dhe tha: ‘Ne jemi miq me një burrë që jeton përballë shtëpisë ku ndodhi gjithçka. Ai na tha që kishte një trokitje në derën e viktimës dhe ai u përgjigj. Pastaj kishte pesë të shtëna me armë”.
Discussion about this post