Kreu i Sindikatës së Punonjësve të Universiteteve, Aleksandër Kovaçi në një intervistë të dhënë për Fax Neës, ka komentuar vendimin për të shkarkuar zëvendës Dekanin e Fakultetit të Inxhinierisë së Ndërtimit (FIN) të Universitetit Politeknik të Tiranes, Dr. Ing. Agim Seranaj.
“Zoti Seranaj ka qenë shumë i angazhuar në çështjen e tërmetit, pasi ai është i specializuar në qendrueshmërinë e strukturave të ndërtesave.
Ne i kërkojmë dekanit që të japë arsyet dhe sqarimet mbi motivet e shkarkimit. Mund të ketë pasur ndikime nga struktura të tjera si kryeministri, apo të tjera, që kanë çuar në shkarkimin e Seranajt.
Ne jemi shumë të ndjeshëm ndaj ndërhyrjeve nga ana e qeverisë, pasi ligji i Arsimit të Lartë, pavarësisht kundërshtive, kërkon ndarjen e ndikimit të politikës në Arsimin e Lartë”, tha Kovaçi.
Më tej Kovaçi tha se Seranaj ka dhënë mendimin e tij si mund të menaxhohej situata, dhe në mendimin e tij nuk ka pasur prapavijë politike.
“Zoti Seranaj ka shprehur mendimet e tij se si mund të menaxhohej situata pas pasojave të tërmetit, dhe debate që ai ka pasur në emisionin Opinion me një zv.ministër mund të ketë çuar në shkarkimin e tij”, tha më tej kreu i Sindikatës.
Discussion about this post