Kryetarja e LSI-së, Monika Kryemadhi, përmes një video-mesazhi ka bërë thirrje ndaj qytetarëve shqiptarë që për festat e fundvitit të festojnë me produkte shqiptae, ndëra nuk I ka kursyer akuzat ndaj qeverisë për lënien pas dore të prodhuesve vendas.
Kryemadhi thotë se qeveria kërkon ti vendosë produktet shqiptare edhe përballë konkurrencës sa të pandershme aq edhe antikombëtare.
Kryetarja e LSI-së, thekson se shqiptarët shut sikurse kanë treguar më parë, duhet të blejnë dhe konsumojnë prodhimet vendase edhe si një mbështetje ndaj fermerëve shqiptar.
“Të nderuar miq! Në festat e fundvitit ashtu sikurse është traditë të gjithë do të shtrojnë tavolinën për darkën e festës. Ndajmë gëzimin, por edhe është momenti të mendojmë shumë më shumë për njëri-tjetrin, sepse kemi nevojë si asnjëherë më parë për njeri-tjetrin. Tavolina e festës duhet të jetë sa më shumë shqiptarë, ndaj të konsumojmë sa më shumë produkte shqiptare. Produkte të shkëlqyera, që i prodhon djersa dhe mundi i papërshkrueshëm i mijëra shqiptarëve të lënë pasdore nga kjo qeveri, që i ka hequr çdo subvencion fermerëve dhe agropërpunuesve shqiptarë.
Tashmë përmes një politike prej shërbëtorësh të interesave të oligarkëve qeveria kërkon që ti vendosë produktet shqiptare edhe përballë konkurrencës sa të pandershme aq edhe antikombëtare. Konsumoni shqip, konsumoni frutat, zarzavatet, bulmetrat, verën, birrën, miellin shqiptar, në ndihmë të gjithë fermerëve dhe prodhuesve të shijes së mrekullueshme shqiptare dhe të mbështetjes për njëri-tjetrin. Gëzuar Viti e Ri jo vetëm me urimin shqip, por edhe me produktet unike shqiptare në tavolinë. Blej shqip, konsumoni shqip, gëzoni shqip”, shprehet Kryemadhi.
(F.GJ/FAXWEB.AL)
Discussion about this post