Shkrumbimi nga flakët i makinës në Vlorë, Policia tregon versionin e ngjarjes

Një makinë është përfshirë nga flakët  gjatë mbrëmjes së sotme në qytetin bregdetar të Vlorës në lagjen “10 Korriku”.

Burime për Faxweb.al bëjnë me dije se makina ndodhej e në afërsi të Konsullatës së Italisë në Vlorë ndërsa dyshohet se djegia e saj ka ardhur si pasojë e një shkëndije elektrike.

Drejtuesi i mjetit tip “Lanca” me targat Aa 550 ET ka qenë brenda tij kur ka konstatuar flakët por fatmirësisht ka dalë shpejt duke shmangur dëmtimet e mundshme.

Mësohet nga të njëjtat burime se mjeti ka pak kohë që është blerë nga pronari ekzistues i saj.

Lidhur me ngjarjen ka reaguar edhe Policia e cila përmes një informacioni paraprak njofton se shtetasi F.E duke tentuar të ndizte mjetin tip “Lançia”, ka konstatuar se mjeti u përfshi në flakë ndërsa lidhur me shkaqet, dyshohet të kenë qenë aksidentale.

“Rreth orës 21:40, në lagjen “10 Korriku” Vlorë, shtetasi F.E duke tentuar të ndizte mjetin tip “Lançia”, ka konstatuar se mjeti u përfshi në flakë. Menjëherë është njoftuar shërbimi zjarrfikës dhe policia të cilët kanë shkuar në vendngjarje. Nga hetimet paraprake dyshohet se mjeti është djegur për shkaqe aksidentale”, njofton Policia

(F.GJ/FAXWEB.AL)