Kryeministri Edi Rama ka vlerësuar me medalje zjarrëfikësin nga Vlora Luan Kapaj, që kërkoi nën gërmadha të shpëtonte jetë duke rrezikuar veten.
Ai është shprehur se Luani ishte një hero i llojit të vacant dhe sipas Ramës, askush nuk mund të kuptojë veprimet e Kapajt, nëse nuk është vlonjat.
“Luani u bë një hero, i një lloji shumë të veçantë. Më vjen mirë që këtu kanë ardhur për ta respektuar disa nga ata që kanë nnjë jetë të dytë nga Luani. Pata rastin të takoja disa nga kolegët e tij, madje njëri prej tyre më tha që si mund të ishte Luani një njeri që mund të sakrifikonte jetën në kushtet të atilla. Edhe pse kam parë në jetën time episode të jashtëzakonshme, këtë nuk arrita ta besoja. ‘Nuk ke për ta kuptuar kurrë, po nuk e kuptove se çdo të thotë të jesh vlonjatë’, i thash. Prandaj unë sot dua ti jap Luanit medaljen që i kam dhënë trupave që erdhën për ekip shpëtimet e huaja. Është hera e parë që kjo i jepet një individi”, tha Rama.
“Jam shumë i privilegjuar në këtë moment. Jam shum i prekur që jam pranë teje sepse në kushte si ti janë me mijëra njerëz në Shqipëri që ne rrallë i shohim për vlerat që kanë apo bëjnë”, përfundoi kryeministri.
Nga ana e tij, Kapaj foli shkrurtimisht duke prezantuar edhe personat që ka shpëtuar nën rrënoja. “Më shumë se sa krëenar, kjo medalje më bën krenar dy bashkëqytetarët shpërtuan, jam krenar që shikojnë qiellin e kësaj toke dhe që shikojnë diellin e kësaj tokë. Jam krenar dhe i lumtur që i shërbej vendit tim dhe do ta bëj gjithmonë”.
“Falenderoj luanin që më shpëtoi jetën, siç ka emrin është edhe vetë”, tha njëri nga të mbijetuarit e tragjedisë së 26 Nëntorit.
(F.GJ/FAXWEB.AL)
Discussion about this post