Nuk kishte si të ndodhte ndryshe, Eric Maxim Choupo-Moting, futbollist i PSG është lojtari që bëri dështimin e dekadës në futboll.
Ai humbi një rast flagrant përballë ekipit të Strasbourg duke mos arritur ta godasë topin drejt portës edhe pse më mirë do të ishte të mos e kishte prekur fare, sepse topi po shkonte drejt portës.
30 vjeçari nga Kameruni ndaloi goditjen e bashkëlojtarit të tij Christopher Nkunku, i cili ishte shërbyer bukur nga Dani Alves duke e shpëtuar kështu skuadrën rivale pa pranuar gol.
Rezultati deri në atë kohë ishte 1-1, por gjithë tifozët e pranishëm, madje edhe vetë futbollistët brenda fushës mbetën të befasuar nga kjo huqje e ish-sulmuesit të Stoke Cityt.
Shumë prej tifozëve e kanë quajtur atë si dështimin më të madh të dekadës.
Discussion about this post