Australia ndodhet në një gjendje të jashtëzakonshme për shkak të flakëve që kanë përpirë vendin. Teksa ka edhe viktima, të gjithë autoritetet janë vënë në lëvizje, kurse zjarrfikësit janë në krye të detyrës duke u përpjekur të shuajnë flakët.
Por një grup zjarrfikësish është përballur me një moment shumë të rrezikshëm për jetën e tyre. Ata po ecnin mes-përmes pyllit për të shuar flakët e zjarrit në jug të Nowra në momentin kur flakët gjigandë u “presin rrugën” dhe u vënë në rrezik jetën.
Ata detyrohen të manovrojnë me makinën në çast, ndërsa përdorin edhe batanije kundër flakëve tek xhamat e mjetit.
