Një 60-vjeçar është aksidentuar për vdekje pasditen e sotme në autostradën Tiranë-Durrës në vendin e quajtur “Marikaj”, teksa shtetasi i paidentifikuar ende po kalonte rrugën kur është përplasur nga një automjet me drejtues një shtetas me inicialet F.V.
Ende nuk janë të qarta shkaqet dhe rrethanat e aksidentit ndërsa është bërë nga ana e Policisë shoqërimi në Komisarat i drejtuesit të fugonit tip “Benz”.
“Rreth orës 17:15 në aksin rrugor Tiranë- Durrës, në vendin e quajtur “Marikaj” një këmbësor ende i paidentifikuar rreth60 vjeç ka kaluar nga njëra anë e autostradës në tjetrën dhe për pasojë është goditur për vdekje nga fugoni tip “Benz” me drejtues shtetasin F. V, i pajisur me leje drejtimi dhe çertifikatë të aftësisë profesionale.
Drejtuesi i fugonit tip “Benz” shtetasi F. V, është shoqëruar në komisariat për veprime të mëtejshme hetimore.
Policia rrugore dhe grupi hetimor ndodhen në vendngjarje, ku po vijon punën për sqarimin e rrethanave të ngjarjes si dhe identifikimin e shtetasit që ka ndërruar jetë”, njofton Policia.
(F.GJ/FAXWEB.AL)
Discussion about this post