Policia Kufitare e Rinasit i ka sekuestruar plot 20.000 euro në 27-vjeçari, i cili po kalonte kufirin.
Gjatë kontrollit të ushtruar nga policia, atij ju gjet shuma marramendëse në çantën e shpinës e padeklaruar.
Pas aksionit, 27-vjeçari u procedua penalisht për “Mosdeklarim të vlerave monetare në kufi”.
Njoftimi i plotë i policisë:
Policia Kufitare e Rinasit parandalon një rast të transfertës së parave jashtë shtetit, në mënyrë të kundërligjshme. Evidentimi, si rezultat i masave të shtuara, në zbatim të planit të masave për parandalimin dhe goditjen e paligjshmërisë.
Sekuestrohen 20000 euro, procedohet penalisht një 27-vjeçar. Shërbimet e Policisë Kufitare të Rinasit, në dalje të RSH-së, gjatë kontrolleve të ushtruara kanë përzgjedhur për kontroll në vijën e dytë, shtetasin F. K., 27 vjeç, banues në Durrës.
Gjatë kontrollit të ushtruar, shtetasit të lartpërmendur iu gjet në çantën e shpinës shuma monetare prej 20000 eurosh, që ishte e padeklaruar në doganë. Në përfundim të veprimeve të para hetimore të kryera nga specialistët e Policisë Kufitare në Rinas, materialet në ngarkim të këtij shtetasi i kaluan prokurorisë, për veprime të mëtejshme, për veprën penale “Mosdeklarim i vlerave monetare në kufi”.
