Kreu i Sindikatës së Futbollistëve Profesionistë, Andi Lila tregoi detajet e ndeshjes që do të luhet nesër në stadiumin “Air Albania” për t’iu ardhur në ndihmë familjeve të prekura nga tërmeti.
Në një intervistë për “FaxNews”, Lila tregoi se ndeshja do të organizohet në dy pjesë nga 35 minuta dhe do të aplikohen edhe penalltitë nëse do të përfundojë në barazim. Për të intriguar tifozët që të shkojnë ta ndjekin, Andi Lila u shpreh se ndeshja do të jetë zjarr.
Ai shpjegoi se në stadium do të bëhen bashkë yjet ndër vite të Shqipërisë, Italisë, Greqisë dhe Turqisë.
“Është hera e parë që ndodh që 4 skuadra të jenë të pranishme në stadiumin “Air Albania”. Kjo ndeshje është ndeshje zjarri sepse po luan ai brez futbollistësh që kanë bërë histori me komnbëtaren tonë, kështu që mendoj se tifozët mezi po e presin. Të na bashkohen për një kauzë të jashtëzakonshme.
Ndeshja do të fillojë në orën 18:00, njerëzit duhet të vijnë në stadium pak më herët sepse do të ketë edhe një festë. Do të luhen dy gjysmë-finale nga 30-35 minuta. Nëse barazojmë do të ketë penallti. Arbitret do të jenë femra sepse duam të jemi gjithëpërfshirës. Akoma nuk i di emrat e arbitreve, por duam t’ju japim dorën. Unë kam shumë besim, është ndeshje e thjeshtë”, tha Andi Lila.
Ai iu ktheu një përgjigje edhe të gjithë atyre kritikuesve apo të pakënqurve pse nuk janë pjesë e sfidës. Me ironi Lila tha se ndeshja luhet vetëm me 11 lojtarë.
“Jemi lodhur shumë me këtë projekt sepse kemi më shumë se një muaj që merremi. Kemi lënë edhe familjet pas dore për këtë periudhë, kështu që mund të ketë edhe pakënaqësi. Kriteri ynë ishte që të ishim një skuadër gjithëpërfshirëse, ja kemi arritur ta kemi, kështu që jemi në rrugë të mbarë, por për qejfmbetjet do t’i flasim një herë tjetër.
Është një kauzë shumë më e madhe sesa të gjithë ne. Edhe kemi gabuar, jemi të rinj. Ndoshta dikush ka fol, duhet të ishte pajtetër, duhet të ishin edhe 200 të tjerë, por futbolli luhet vetëm me 11 lojëtarë. Të gjithë do ta kenë emrin te stadiumi, kush ka kontribuuar. Tani se del dikush dhe sheh ëndrra, kjo është një kauzë e tërmetit”, deklaroi Andi Lila. Ai garantoi se për çdo biletë të shitur do të ketë transparencë të plotë.
Discussion about this post