Këshilltari për çështjet ligjore në Partinë Demokratike, juristi Çlirim Gjata i ftuar në studion e lajmeve në Fax News, foli në lidhje me draftin që do të propozojë PD në lidhje me ndryshimet në Reformën Zgjedhore.
Gjata u shpreh se çfarëdo lloj sistemi që të implementohet, nëse nuk ndahet krimi nga politika, i cili përdoret për të blerë vota, nuk ka zgjedhje të lira dhe të ndershme.
“Në javën e ardhshme ne do të paraqesim kërkesat, draftin tonë të Reformës Zgjedhore. Vër çfarë sistemi të duash, këtu problemi është blerja e votave. Po qe se ai përdor krimin për të blerë vota, nuk ka zgjedhje të lira. Nuk është çështja tek sistemi, por të bëjmë një zgjidhje politike. Të bëhet një qeveri teknike që do të organizojë dhe të garantojë zgjedhje të lira dhe të ndershme, që të shkëpusë krimin nga politika. Nuk mundet që kjo qeveri të bëjë zgjedhje të lira dhe të ndershme pa kriminalitet. Nuk është çështje e sistemit politik. Rama nuk mund ti heqë kriminelët, sepse ka marrë paratë prej tyre për të blerë vota, dhe nuk i heq dot. Ne pa hequr llumin që na ka zënë procesin zgjedhor, çfarë të diskutojmë kot ne.”- u shpreh Gjata.
(M.Q/Faxweb.al)
Discussion about this post