Një bombol gazi ka shpërthyer në rrugën “Tre Dëshmorët” në Yzberisht. Ngjarja ka ndodhur pak minuta më parë, ndërkohë që raportohet se shpërthimi ka ndodhur në një byrektore.
Paraprakisht raportohet se janë plagosur 2 punëtoret e byrektores dhe bashkëpronarja, të cilët janë dërguar në spital dhe janë jashtë rrezikut për jetën.
Policia ka shkuar në vendin e ngjarjes dhe ka nisur hetimet për këtë aksident që tronditi banorët e rrugës “3 Dëshmorët”.
Tiranë/Informacion Paraprak
Rreth orës 07:25 në rrugën “3 dëshmorët” në një pikë që tregton prodhime brumi, ka shpërthyer një bombol gazi ku si pasojë është lënduar lehtë shtetasja K.S, bashkëpronarja e biznesit, si dhe dy punonjëset A. M dhe M. P.
Grupi hetimor ndodhet në vendngjarje ku po vijon punën për sqarimin e mëtejshëm të rrethanave të ngjarjes.
