Eurokomisioneri për zgjerim, Oliver Varhejn në vizitën e parë të tij në Shkup ka përsëritur qëndrimin se ndaj Shkupit dhe tiranës zyrtare duhet të fillojë procesi i negociatave.
Pas takimit me kryeministrin teknik, Oliver Spasovski, Varhejn tha se Maqedonia e Veriut ka bërë mjaftueshëm në sferën e reformave duke shprehur mirënjohjen e tij edhe për Marrëveshjen e Prespës.
Sipas tij, përpara Samitit të Zagrebit duhet të ketë një vendim pozitiv nga Këshilli I Eruopës, ndërsa shtoi se qasja e BE-së duhet të jetë patjetër më objective, dinamike dhe me bazë politike më të sigurt.
Nga Maqedonia e Veriut ai kërkoi nga Parlamenti Evropian që këtij shteti t’i ndahet shpërblim prej 50 milion eurosh për veprimet konstruktive dhe shfrytëzimin e tyre për qëllime Evropiane.
“Duhet patjetër të punojmë edhe më tepër për të vlerësuar se Maqedonia Veriut dhe Shqipëria duhet t’i fillojnë negociatat për anëtarësim. Nuk ka ndryshim nga ky qëndrim dhe mbetemi të përkushtuar. Duhet patjetër t’i fillojmë negociatat me këto dy vende. Para Samitit të Zagrebit patjetër duhet të kemi vendim pozitiv nga Këshilli Evropian. Qasja e re e BE-së duhet patjetër të jetë më objektive, më dinamike, pak me më shumë bazë politike dhe më i sigurt”-tha Oliver Varhejn.
Varhejn zhvilloi takim edhe me presidentin Stevo Pendarovski kreun e Kuvendit, Talat Xhaferi, liderin e LSDM-së, Zoran Zaev, atë të opozitës Hristijan Mickoski dhe liderët e partive politike shqiptare.
Ndërkohë ditën e nesërme ai do të jetë në Tiranë ku do të takohet me disa nga përfaqësuesit më të lartë të politikës dhe shtetit.
(F.GJ/FAXWEB.AL)
Discussion about this post