Një aksident i rëndë është shënuar mesditën e kësaj të enjteje në mes të Tiranës. Një makinë ka përplasur një këmbësor tek Rruga e Durrësit.
Këmbësori, identiteti i të cilit nuk dihet, shihet i shtrirë në asfalt, ndërsa në minutat e parë të aksidentit nuk afrohej askush për ta ndihmuar.
Në gjendje të rënduar shëndetësore, ai kërkoi ndihmë: “Oj nëna ime, më ndihmoni ju lutem….”
Në vendin e ngjarjes më pas mbërritën forcat e policisë dhe ambulanca, për të bërë të mundur transportimin në spital të të aksidentuarit.
Ndërkohë, Harta Digitale e Aksidenteve Rrugore ka shpërndarë në “Facebook” edhe videon nga aksidenti i rëndë.
