Komisioneri për Zgjerimin Oliver Varhelyi ka reaguar pas takimit të mbajtur me kryetarin e Partisë Demokratike, Lulzim Basha pak momente më parë.
Në një postim në “Twitter”, komisioneri kërkoi që të ecet përpara me reformën zgjedhore, ndërsa ndau edhe foto nga takimi.
“Diskutim konstruktiv me opozitën jashtëparlamentare në Shqipëri sot. Mirëpres marrëveshjen për të ecur përpara me reformën zgjedhore”, shkruan Oliver Varhelyi.
Kujtojmë që në konferencën e përbashkët që pati me kryeministrin Edi Rama, në kryeministri, Komisioneri për Zgjerimin në BE, Oliver Varhelyi, u shpreh optimist për çeljen e negociatave për anëtarësimin në BE të Shqipërisë dhe Maqedonisë së Veriut. Varhelyi deklaroi se është shpresëplotë që negociatat të nisin përpara Samitit të Zagrebit.
Discussion about this post