Një tjetër vrasje tronditi mbrëmjen e djeshme Tiranën, ku në një prej orareve më të frekuentuara të mbrëmjes, në një lokal në zonën e Astirit u vra me armë 28-vjeçari Vilson Tafçiu. Faxweb ka siguruar dhe foton e viktimës, ndërkogë që mbrëmjen e djeshme u zbardh dhe dinamika e kësaj vrasje.
Burimë bëjnë me dijë se disa persona të armatosur të cilat qendronin në një automjet tip “Golf”, jashtë lokalit, e kanë thirrur me emër të riun dhe e kanë qëlluar me tre plumba, ndërkohë që pistoleta është gjetur në vendin ku është qëlluar 28-vjeçari.
Mësohet se viktima ka qenë i shoqëruar me dy vajza në tavolinë në një lokal në rrugën Teodor Keko.
Ndërsa ende nuk dihen motivet e krimit të rëndë, ka disa dyshime të ngritura paraprakisht me të shkuarën e tij kriminale.
28-vjeçari Vilson Tafçiu, përdorte dy identitete dhe njihej ndryshe edhe si Vilson Noka. Emri i tij nuk është i panjohur për policinë, pasi dy vite më parë është arrestuar për trafik droge.
Fax Neës mëson se Tafçiu ka ikur nga Shqipëria në 7 mars të 2018 për në Francë. Në 12 mars të vitit 2018 e kanë arrestuar për shpërndarjen e lëndëve narkotike dhe e kanë dënuar një vit burg në Francë.
Atje ka bërë 8 muaj në paraburgim dhe në 6 nëntor të vitin 2018 e kanë deportuar nga Franca në Shqipëri.
Mësohet se i riu kishte ardhur në Tiranë për të varrosur gjyshen e tij, ndërkohë që ishte me origjinë nga Dibra.
Çfarë tha paraprakisht policia:
Rreth orës 20.45, në Astir, në një rrugicë, në afërsi të një lokali, në rrethana ende të paqarta është plagosur me armë zjarri shtetasi V.T, rreth 28 vjeç, i cili më pas ka gjetur vdekjen.
Menjëherë në vendngjarje kanë shkuar shërbimet e Policisë, të cilat kanë bërë rrethimin e zonës në një perimetër të gjerë.
Janë ngritur pika kontrolli në të gjitha akset rrugore si dhe vijon puna nga grupi hetimor për sqarimin e rrethanave të ngjarjes, grumbullimin dhe fiksimin e çdo prove që do çojë në zbardhjen e ngjarjes, identifikimin dhe arrestimin e autorëve.
Discussion about this post