“Zemra e vogël, s’është fare rehat”, Meghan Markel-in nuk e lënë të qetë, ndjekësit e masakrojnë për mënyrën si mban djalin

Mbarë përdoruesit e rrjeteve sociale i kanë kërkuar Meghan Markle-it të marrë urgjentisht këshilla nga dadoja sa i takon të birit Archie.

I gjithë ky reagim thuajse unanim erdhi fill pas publikimit të disa fotografive gjatë shëtitjes së djeshme të Meghan-it me të birin dhe dy qentë e saj.

Ish-dukesha shfaqet teksa mban Archie-n në krahë, një pozicion ky tepër i sikletshëm. Ndërkohë që shëtit, Markle e ka vendosur të birin në një mbajtëse 180 dollarëshe, që të paktën nisur nga fotot nuk rezulton aspak e rehatshme.

“Zemra e vogël, nuk është fare rehat. S’po e mban fëmijën aspak mirë. I gjori princi ynë i vogël”, janë disa nga komentet e ndjekësve.

Disa të tjerë madje arritën deri aty sa thanë se nëna e re nuk po e mban mbajtësen aspak ashtu siç duhet.

Markle është vendosur në qendër të kritikave pas vendimit të saj për t’u larguar nga familja mbretërore angleze, së bashku me princin Harry.