Librazhdi është tronditur nga një ngjarje e rëndë në familjen Belba ku një foshnje 3 muajshe është gjetur e vdekur nga e ëma mëngjesin e sotëm pasi e kishte lënë në shtëpi pa mbikëqyrje teksa kishte shkuar në dyqan për të blerë qumësht.
Dëshmi për Faxweb.al thonë se foshnja 3 muajshe nuk ishte krejtësisht vetëm. Në banesë ndodhej edhe djali i saj adoleshent që po flinte gjumë dhe është zgjuar nga britmat e të ëmës pasi ka parë foshnjen 3 muajshe, të gjinisë femër, pa jetë në karrocën e saj.
Por e gjithë dinamika e ngjarjes mbetet e dyshimtë ndërsa pritet që nga hetimet të hidhet më tepër dritë rreth shkaqeve dhe rrethanave në të cilat vdiq sot një bebe vetëm 3 muajshe.
Gruaja është nënë e 8 fëmijëve, ndërsa në familjen e saj tragjeditë vijojnë prej më shumë se vitesh. Dy vajza të vdekura dhe një tjetër e cila shpëtoi mrekullisht pasi ra nga kati i dytë i banesës ku e ëma e kishte kyçur prej 3 ditësh dhe ishte larguar pa adresë.
Por tragjeditë nuk paskan të sosur për familjen Belba, pasi një vit më parë banesa është përfshirë nga flakët dhe 3 fëmijët emitur i ka shpërtuar komshia e tyre.
E ëma nuk ishte në banesë dhe ishte larguar në drejtim të paditur. Shumë nga komshinjtë e saj shprehen se nëna nuk është aspak e kujdesshme dhe nuk është e aftë të rrisi fëmijët e saj.
Më herët gruaja ka punuar si kamariere në një bar në Librazhd.
