Të shtëna me armë zjarri janë shënuar mesditën e kësaj të premteje në qytetin e Vlorës, ndërsa policia nxitoi të jepte një njoftim se autori kishte qelluar me armë dhe më pas ishte larguar.
Por burime për Faxweb.al bëjnë me dije se ngjarja nuk ka qenë dhe aq banale, pasi një person rezulton të ketë humbur kontaktet me familjarët pas të shtënave.
Pronari i një makine Porche, që gjendet në vendngjarje me dyer të hapura, dhe që dyshohet se ka inicialet E.V, ka telefonuar bashkëshorten dhe i ka thënë “për pak më vranë”, por që pas kësaj telefonate ka humbur të gjitha kontaktet.
Pra nuk dihet ende nëse është lënduar apo jo, por dihet që nuk është në vendngjarje dhe nuk ka më kontakt me familjarët e tij.
Njoftimi i policisë:
Rreth orës 11:40, ka ardhur një telefonatë se një person dyshohet të ketë qëlluar me armë zjarri në ajër, në lagjen “10 Korriku” Vlorë.
Janë ngritur grupe të posaçme për kontrollin e territorit dhe po punohet për kapjen e autorit.
Bëjmë me dije se nuk ka asnjë person të dëmtuar.
Grupi hetimor po punon për sqarimin dhe zbardhjen e rrethanave të ngjarjes.
(E.K/Faxweb.al)
Discussion about this post