Presidenti i Këshillit Evropian, Charles Michel ka mbërritur paraditen e sotme në Tiranë, ku i është rezervuar një pritje zyrtare nga ana e kryeministrit Edi Rama.
Presidenti i Këshillit Evropian viziton Shqipërinë një javë pas Komisionerit për Zgjerim, Oliver Varhelyi, i cili zhvilloi takime me krerët më të lartë të politikës në vend, si dhe vizitoi zonat e prekura nga tërmeti i 26 Nëntorit.
Ndërkohë që kryeministri Rama, gjatë vizitës në një banesë të dëmtuar nga tërmeti në Kashar, tha se dhe me Michel do të diskutohet lidhur me mbledhjen e donacioneve.
“Për mua dita fillon tërmet dhe mbaron tërmet. Do ia dalim, kemi shumë punë. Do të shkoj në Gjermani, Bruksel prapë përpara, sot vjen ai Presidenti i Këshillit dhe do të flasim për këtë punë”, tha Rama
Konferenca e Donatorëve që do të mbahet më 17 shkurt në Bruksel, do të japë mbështetje për Shqipërinë pas tërmetit të 26 nëntorit.
Vetëm pak ditë më parë, komisioneri i BE për Zgjerimin rikonfirmoi faktin se BE dhe ai vetë e kanë prioritet Ballkanin Perëndimor, ndaj u realizua dhe kjo vizitë e tij e parë në Maqedoninë e Veriut dhe Shqipëri.
Discussion about this post