Po zhvillohet në ambientet e “Europa House”, tryeza për Reformën Zgjedhore, ku të pranishëm janë nga ana e maxhorancës Damian Gjiknuri, nga opozita jashtëparlamentare Oerd Bylykbashi dhe Petrit Vasili dhe nga opozita parlamentare Rudina Hajdari.
Po ashtu në këtë tryezë janë edhe ekspertët përkatës për të çduar para Reformën Zgjedhore. Burime për Fax News bëjnë me dije se diskutimet kryesore do të jenë në lidhje me kalendarin konkret të punës që do bëhet nga ekspertët.
Kujtojmë se pak ditë më parë dy bashkëkryetarët e Komisionit Parlamentar për Reformën Zgjedhore, Damian Gjiknuri dhe Rudina Hajdari ju drejtuen me një letër zyrtare ODIHR-it ku kërkonin dërgimin e një eksperti që do të punojë së bashku me ekspertet vendas në hartimin e drafteve përfundimtare në kuadër të Reformës Zgjedhore.
Pak javë më parë në ambjentet e Pallatit të Kongreseve u takuan Petrit Vasili, Damian Gjiknuri, Rudina Hajdari dhe Oerd Bylykbashi. Gjatë takimit të zhvilluar pa praninë e mediave me përjashtim të Hajdarit, tre përfaqësuesit e tjerë firmosën një draft me konkluzionet e tryezës në të cilin është dakordësuar për krijimin e një këshilli politik me përfaqësues nga të gjitha palët brenda muajit janar.
Palët kanë rënë dakord të formojnë Këshillin Politik me përfaqësues të opozites, drejtuesve të komisionit te Reformes Zgjedhore dhe përfaqësuesve të grupeve parlamentare në Kuvend.
Discussion about this post