Kryeministri Edi Rama ka reaguar për herë të parë mbi lajmin e publikuar dje te RAI3, që në Shqipëri është 12 fishuar mbjellja e kanabisit.
Rama shprehet se ai reportazh është një turp gazetaresk, dhe nuk ka asnjë lidhje me realitetin, që e ka certifikuar dhe vetë Guarda di Finanza.
Kryeministri shkruan më tej se shpreson që partnerët të thonë sa më parë të vërtetën, duke hedhur poshtë këtë reportazh.
Postimi i Ramës:
Lajmi i mbrëmshëm në RAI 3 mbi gjoja 12 fishimin e kultivimit te kanabisit në Shqipëri është një turp gazetaresk, pa asnjë lidhje me realitetin e monitoruar dhe çertifikuar nga vetë Guardia di Finanza! Uroj që partnerët tanë të shkëlqyer ta thonë vetë pa humbur kohë të vërtetën!
Raporti për të cilën foli Rai3
“Shqipëria është në negociata për të hyrë në Bashkimin Evropian. Një hyrje që do t’i jepte një shpresë më shumë shoqërisë shqiptare për të hequr qafe makthin e krimit”.
Në këtë mënyrë është prezantuar në ekranin e RAI 3 një reportazh i gazetarit italian Valerio Cataldi mbi kultivimin e narkotikëve në Shqipëri vitet e fundit.
Sipas reportazhit, referuar një raporti sekret të Policisë i siguruar nga RAI3, kultivimi i lëndëve narkotike në Shqipëri ka ardhur në rritje.
“Është rritur me 1200% ose 12 herë mbjellja e kanabisit. Ka rrënjë të fshehura që i përkasin një lloji kanabisi i importuar nga Vietnami, i modifikuar gjenetikisht për të pasur një përqindje të lartë të drogës”, sqarohet në reportazh, ku shfaqen edhe pamje nga ajri të Guardia di Finanza në territorin shqiptar.
Gazetari italian shton se bimët e gjetura në vitin që lamë pas janë më pak se 1 mijë. “Situata ka ndryshuar. Të dhënat e raporti të ri tregojnë se ky realitet mjaft ndryshe mbahet ende i rezervuar” , thuhet në reportazhin italian, ndërsa për rastin flet edhe prokurori i Leçes Giacomo Cataldi.
“Përmes trafikut të lartë të marijuanës, Shqipëria është kthyer në një nga prodhueset më të mëdhenj, duke siguruar pasuri të shumta për mafian shqiptare”, thotë prokurori Italian.
(E.K/Faxweb.al)
Discussion about this post