Kryeparlamentarja e Kosovës, Vjosa Osmani në ditën e parë të punës si kryetare e Kuvendit e ka hequr nga zyra e saj fotografinë e presidentit, Hashim Thaçi, të cilën e ka zëvendësuar me atë të Ibrahim Rugovës, ish-president i Kosovës njëherësh edhe kryetar I LDK-së, parti në të cilën aderon drejtuesja e re e Kuvendit.
Kjo është vërejtur në vizitën e parë që ka pritur Osmani, e që është ambasadori amerikan në Prishtinë, Philip Kosnett.
Vetë Osmani pasi mori dje mori detyrën ka deklaruar se angazhimin politik që dy dekada e ka bërë duke pasur vetëm një referencë, ish-presidentin Rugova.
“ Gjatë gjithë angazhimit tim politik, qe gati 2 dekada, një gjëje nuk i jam ndarë asnjëherë: respektimit të vullnetit tuaj. Gjithë jetën time në politikë e kam pasur një referencë: Dr. Ibrahim Rugova. Asnjëherë, pavarësisht pengesave gjatë rrugës, nuk kam reshtur së punuari që vullneti i qytetarëve të Republikës sonë të jetësohet”, ka shkruar Osmani.
Kujtojmë se kryeministri Edi Rama sapo fitoi zgjedhjet dhe hyri në zyrën e kreut të ekzekutivit në 2013, hoqi nga zyra e tij por edhe në institucionet shtetërore, fotografinë e Bujar Nishanit, në atë kohë president, duke e zëvendësuar me atë të Ismail Qemalit.
(F.GJ/FAXWEB.AL)
Discussion about this post