VIDEO/ Banditët e veshur me uniforma policie dhe të armatosur sulmojnë gjykatën dhe lirojnë shefin e grupit famëkeq, 4 policë të vrarë

Narkotrafikanti, Alexander Mendoza, i njohur ndryshe si “El Porky”, sapo kishte mbërritur në gjykatën e El Progresos, për të marrë pjesë në një seancë dëgjimore, kur persona të armatosur rëndë dhe të veshur me uniforma kamuflazhi dhe policie sulmuan ndërtesën në veriperëndim të Hondurasit për ta liruar.

Të paktën 4 policë mbetën të vrarë dhe 3 të tjerë u plagosën rëndë si pasojë e sulmit për të liruar liderin e grupit mafioz MS-13, një nga bandat më të dhunshme të Amerikës Qendrore.

Policia bën me dije se të paktën 20 persona morën pjesë në sulmin e armatosur në El Progreso dhe një prej tyre humbi jetën.

Pas kësaj ngjarje, presidenti Hernandez ofroi një shpërblim 80 mijë dollar për këdo që jep informacion që do të çonte në arrestimin sërish të Mendozës.

https://www.youtube.com/watch?v=AaMucwSed1w&feature=emb_title

https://www.youtube.com/watch?v=2q2TntMQ-xY&feature=emb_title