4 antarë të shoqatës patriotike Labëria janë shoqëruar nga ana e policisë në Gjirokastër, për shkak se kishin vendosur që të protestonin pranë bustit të vendosur në Derviçian, në nderim të Vasil Shahinit, një ekstremisti grek.
Shoqata Labëria kishte vendosur që të mbante një deklaratë përpara bustit, por kjo duket se ka nxitur reagimin e menjëhershëm të autoriteteve lokale, dhe të policisë.
Kanë qenë fillimisht banorët e Derviçianit ata që janë përplasur me mediat, dhe iu kanë kërkuar që të largohen nga fshati i tyre, dhe më pas policia ka ndaluar në rrugën nacionale, 4 përfaqësues të shoqatës Labëria.
Gazetarja e Fax News Ervina Shehaj ka pasur sot një intervistë dhe me një prej përfaqësuesve të shoqatës, Genti Ladi, i cili i ka bërë thirrje çdo shqiptari që të reagojë. Ladi shprehet se policia në vend që të reagonte për të hequr bustin, ka shoqëruar katër të rinj patriot.
“Ne si grupim u mblodhëm dhe vendosëm që të bënim një aktivitet paqësor, kundër vendosjes së bustit të Vasil Shahinit. Gjatë rrugës për në Derviçian, policia na ka ndaluar dhe ka shoqëruar 4 miqtë tanë, që janë akoma në komisariat dhe nuk po na i lëshojnë ende.
I morën për verifikim dhe tani nuk na japin asnjë informacion. I bëj thirrje kombit shqiptar që të reagojë, pasi na kanë pushtuar dhe këta tanët. Pse nuk kanë arrestuar atë që ka vendosur burgun, por arrestojnë shokët tanë. Të vijë kombi shqiptar që të na ndihmojë, të detyrojnë që të dalësh nga vetja”, u shpreh përfaqësuesi i shoqatës atdhetare Labëria.
Vasil Shahini u vra nga komunistët më 18 nëntor të vitit 1943. Ai u akuzua si “koka” e agjenturës greke në Shqipëri, që kishte qëllim bashkimin e jugut të Shqipërisë me Greqinë.
Flasin pas lirimit aktivistët:
Lexo edhe:
Skandal në Dropull/ Nderohet me bust ”koka” e agjenturës greke, u vra nga komunistët në Shqipëri
Discussion about this post