Një ngjarje e rëndë ndodhi sot në lagjen ‘Bojanina’ të Gjilanit, ku një zyrtare e policisë ka vrarë katër anëtarë të familjes së saj, dhe më pas edhe veten.
Policja që sipas Prokurorisë Themelore në Gjilan, dyshohet se vrau katër anëtarë të familjes përfshirë prindërit dhe dy vëllezër, ishte Valdete Bllaca.
Ka qenë policia e Kosovës ajo që ka dhënë njoftimin zyrtar për ngjarjen, ku autorja V.B ka vrarë dy prindërit e saj, dy vëllezërit dhe më pas veten.
Njoftimi i policisë së Kosovës:
Prokuroria Themelore në Gjilan, Departamenti për Krime të Rënda, ju njofton se sot rreth orës 13h, nga një zyrtare policore janë vrarë 4 persona – anëtarë të familjes së saj dhe në fund e njëjta ka kryer vetëvrasje.
Sipas informatave të para, dyshohet se në lagjen ‘’Bujanina’’, në Gjilan, e ndjera V.B., zyrtare policore, në kuadër të Stacionit Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje.
Në vendin e ngjarjes menjëherë kanë dalë policia, prokurori i rastit dhe ekipa mjekësore, të cilët edhe kanë konstatuar vdekjen e tyre, ndërsa me urdhër të prokurorit trupat e të njëjtëve do të dërgohen për obduksion, në Institutin e Mjekësisë Ligjore, në Prishtinë. Rasti është duke u hetuar, ndërsa për detajet e tjera do të informoheni me kohë.
Discussion about this post