Opozita parlamentare me një letër drejtuar kryeparlamentarit Gramoz Ruçi i kërkon urgjentisht interpelancë me ministrin e brendshëm Sander Lleshaj.
Duket se situata e rendit në vend ka bërë që opozita ta thërrasë përsëri ministrin e brendshëm.
Grupi i deputetëve që i janë drejtuar me një letër kuvendit janë:
Lefter Maliqi
Artur Roshi
Ramazan Gjuzi
Halil Jakimi
Besnik Troplini
Fatjona Dhimitri
Kostaq Papa
- Disa nga temat e diskutimit që do parashtrohen në debat me ministrin janë:
- Situatën e rëndë kriminale në vend dhe ngjarjet e rënda të pazbuluara.
- Kërkohet një informacion për punën e dobët të policisë për zbulimin dhe parandalimin e krimeve.
- Marrëdhëniet polici-publik dhe si ndikon depolitizimi i i policisë në rastet e shkeljes së ligjit.
- Aktualisht kemi një situatë të rëndë kriminale ku janë evidentuar raste të shumta vrasje, rrëmbime, grabitje etj.
- Tejkalimi i kompetencave të policisë dhe përdorimi i gazit lotsjellës ndaj banorëve të zonave të ashtuquajtura “bregu i lumit”, të Astirit, etj kundra familjarëve dhe pleqëve, fëmijëve, grave. Në cilin ligj është mbështetur policia për ta përdorur forcën dhe këto mjete dhe çfarë urdhri është dhënë në këto raste.
- Ngjarjet e rënda të pazbuluara, akuzat e policisë ndaj gjykatës si dhe aksidentet e shumta dhe masat e marra nga policia rrugore.
- Masat e marra dhe rezultatet e policisë ndaj kultivuesve të drogës dhe trafiqeve, roli i policisë kufitare në pikat doganore dhe në vijën bregdetare.
- Vettingu në polici dhe cështje të tjera që kanë të bëjnë me rendin dhe sigurunë në vend, -thuhet në letër.
R.G/FAXWEB.AL
Discussion about this post