Gjendet i vdekur një person në Korçë, qytetari vë në alarm policinë, dyshimet e para

Një person është gjetur i pajetë në lagjen 18 të qytetit të Korçës, pranë unazës.

Burime bëjnë me dije se viktima është rreth 65-vjeç, ndërsa në trupin e tij nuk janë konstatuar shenja dhune, çka të bën të mendosh se vdekja ka ardhur për shkaqe natyrale.

Sipas informacioneve nga Policia, bëhet me dije se ka qenë një qytetar ai që ka konstatuar trupin e pajetë, dhe më pas ka njoftuar policinë.

Kjo e fundit së bashku me ambulancën, kanë mbërritur në vendin e ngjarjes, ku më pas kanë bërë të mundur dhe transportimin e trupit në morg.

Nuk dihet identiteti i plotë i viktimës.