‘Keni qenë të paparë këto ditë, na keni zgjatur jetën’, Meta njofton sërish konferencë për shtyp sot

Zëdhënësi i Presidentit, Tedi Blushi ka lajmëruar një tjetër konferencë për shtyp të Ilir Metës ndërsa iu është përgjigjur edhe ‘portaleve të Rilindjes’ që sipas tij kanë publikuar teori konspirative, shkrime të  porositura, dhe meme të jashtëzakonshme, duke shtuar me ironi se do gëzojnë simpatinë për dozat e forta të humorit e haresë që shkaktojnë.

Sipas tij, dalja për shtyop e Metës do të bëhet sot në ora 17:00 ku paralajmëron publikimin e fakteve tronditëse që dëshmojnë se si po realizohet grushti i shtetit!

Blushi përmes një statusi në rrjetet sociale thekson se ditët e fundit kanë qenë të paparë dhe sa lajme të tilla ‘na kanë zgjatur jetën’.

“Ta shtoni edhe më shumë dozën, por pa e kaluar në overdozë Bablokun tuaj që edhe gënjeshtrat që vetë ja u porosit, kur i lexon nga dora juaj i beson si të vërteta!”, shkruan ndër të tjera.

Reagimi i plotë i Tedi Blushit:

Të dashur gazetarë!
Së pari më lejoni të shpreh një falenderim të veçantë për të gjitha portalet e Rilindjes, për imagjinatën dhe akuzat e shfrenuara, teoritë konspirative, shkrimet e porositura, dhe memet e jashtëzakonshme, që gjithmonë do gëzojnë simpatinë tonë për dozat e forta të humorit e haresë që shkaktojnë.
Këto ditët e fundit keni qënë të paparë dhe faleminderit se na keni zgjatur jetën!
Ta shtoni edhe më shumë dozën, por pa e kaluar në overdozë Bablokun tuaj që edhe gënjeshtrat që vetë ja u porosit, kur i lexon nga dora juaj i beson si të vërteta!
Së dyti, i ftoj të gjithë gazetarët, sot në ora 17:00, në konferencën e radhës për shtyp të Presidentit të Republikës Sh.T.Z Ilir Meta!
Fakte të reja tronditëse që dëshmojnë se si po realizohet grushti i shtetit!
NUK KENI PARË GJË AKOMA!
ME QETËSI DHE DREJTËSI!

(F.GJ/FAXWEB.AL)