Në Maqedoninë e Veriut, është shënuar viktima e dytë si pasojë e komplikacioneve nga gripi sezonal. Sipas autoriteteve shëndetësore vendase, gjatë fundjavës një burrë 85 vjeç ndërroi jetë për shkak të probleme shëndetësore, të cilat u rënduan nga gripi sezonal.
I moshuari mësohet se vuante edhe nga një sëmundje tjetër. Ndërkohë, viktima e parë e gripit ishte një vajzë 13-vjeçare e cila ndërroi jetë javën e kaluar në Klinikën e Fëmijëve. Momentalisht në Klinikën Infektive në Shkup janë të shtruar rreth 40 pacientë me grip, ndërsa Instituti i Shëndetit Publik javën e kaluar regjistroi një numër të lartë të të sëmurëve me grip.
Të enjten përfaqësuesit e Komisionit për sëmundjet ngjitëse do të shqyrtojnë mundësinë e një mbylljeje të përkohshme të shkollave, nëse shihet se numri i rasteve me grip e ka kapërcyer pragun normal të sezonit.
Discussion about this post