Një ngjarje e rëndë ka ndodhur sot në lagjen nr.12 në Durrës ku Ruzhdi Tosuni 63 vjeç ka vrarë bashkëshorten e tij Hajdie Tosuni duke e goditur disa herë me levë brenda dyqanit që kishin në pronësi së bashku.
Burimet zyrtare të policisë së Durrësit shprehen se autori i ngjarjes makabre është vënë menjëherë në pranga ndërsa viktima ka ndërruar jetë menjëherë për shkak të plagëve të marra. Ende nuk bëhen me dije motivet e kësaj ngjarjeje makabre.
Njoftimi zyrtar:
Më datë 26.02.2020, rreth orës 11:35, në lagjen Nr. 12, Durrës, shtetasi R. T., 63 vjeç, banues në lagjen Nr. 7, Durrës, në dyqanin që tregton metrazhe, dyshohet se ka vrarë me levë hekuri, bashkëshorten e tij, shtetasen H. T., 59 vjeçe, e cila ka ndërruar jetë si pasojë e plagëve të marra.
Shërbimet e Policisë kanë arrestuar në flagrancë autorin e dyshuar të ngjarjes.
Në vendngjarje ndodhet grupi hetimor, ku vijon punën për sqarimin dhe dokumentimin e ngjarjes.
