Thirrja e fortë e PD-së ndaj demokratëve: Kur shkelet Kushtetua, bie shteti. Bashkohuni me tubimin e 2 Marsit

Sekretari i Përgjithshëm i Partisë Demokratike Gazmend Bardhi ka reaguar me një status në rrjetin e tij social në Facebook në lidhje me tubimin e thirrur nesër nga Presidenti i Republikës Ilir Meta.

Ashtu siç ishte paralajmëruar edhe me herët Partia Demokratike do ta mbështesë këtë protestë dhe Bardhi ka bërë thirrje për sa më shumë pjesmarrje nga radhët e demokratëve duke e cilësuar Kushtetutën si marrëveshje e rëndësishme që garanton bashkëjetesën tonë.

Postimi i plotë

“Kushtetuta është marrëveshja më e rëndësishme e një shoqërie që garanton bashkëjetesën tonë. Kur shkelet Kushtetuta, bie shteti, bie demokracia, cenohen të drejtat e njerëzve. Çdo qytetar duhet të reagojë. I ftoj anëtarët dhe mbështetësit e Partisë Demokratike të bashkohen në manifestimin e 2 Marsit, në mbrojtje të Kushtetutës, në orën 17:00, në Bulevardin Dëshmorët e Kombit.”