Gazetarja e njohur Mimoza Koçiu ka vedosur që përkohësisht të braktisë televizionin, për të qenë pjesë e ekipit të medias, në Inspektoratin e Drejtësisë, institucion që është krijuar së fundi dhe që drejtohet nga Artur Metani.
Lajmin e ka bërë të ditur vetë Koçiu në një postim në rrjetet sociale ku falenderon të gjithë bashkëpunëtorët e saj në media, si dhe tregon institucionin ku do e shohim tani e tutje.
“FALENDERIME PARA NJE SFIDE TE RE
Kjo është Politika ime e fundit në ABC Neës. Kam vendosur të shkëputem nga gazetaria aktive e të pranoj një sfidë, që e kam provuar edhe në të kaluarën: komunikimin mediatik të një institucioni të pavarur, Inspektori i Lartë i Drejtësisë në këtë rast.
Dua të falenderoj përzemërsisht cdo shikues të në këto 7 vite, si për fjalët e mira, ashtu edhe për sugjerimet. Secili më ka imponuar më shumë përgjegjshmëri e ekuilibër në atë analizë të thelluar politike.
Një falenderim i posacëm shkon për drejtuesit e ABC Neës, për komoditetin që më kanë ofruar në punën time, si të vjetrit ashtu edhe të rinjtë. E konsideroj veten me shumë fat, që kam patur luksin të kem një program, pa asnjë lloj ndërhyrjeje në të 303 emisionet, përgjatë 7 viteve. U jam tejet mirënjohëse edhe për fisnikërinë për të mirëkuptuar këtë zgjedhje timen!”, shprehet mes të tjerave gazetarja.
(E.K/Faxweb.al)
