Në aksin rrugor Fushë Arrëz- Fierze ka pasur një shembje masive të gurëve ditën e sotme.
Rrëshqitjet e gurëve kane ndodhur në afërsi të vendit të quajtur Qafa e Malit ose siç njihet ndryshe tek “Shkëmbi i Dardhës”.
Shirat e shumta të natës së kaluar kanë ndikuar shumë në këtë shkarje të malit duke e bërë edhe më të rrezikshme situatën për ndërhyrje.
Frika tek banorët është se mund të ketë përsëri situata të ngjashme dhe nuk dinë nga të kalojnë pasi kushte atmosferike mund ta favorizojnë përsëri një shembje të tillë gurësh.
Rrëshqitja e gurëve është regjistruar 3 orë më parë ndërkohë që firma kontraktuese e rrugës ka bërë të mund hapjen e segmetit rrugor me një kalim për mjetet.
