Kishte probleme me frymëmarrjen, ndërron jetë në spital 50-vjeçarja, dyshohet për koronavirus

Një 50-vjeçare, ka ndërruar jetë mbrëmjen e sotme në reanimacionin e spitalit të Korçës.

50-vjeçarja, e cila vuante nga sëmundja e diabetit, identiteti i të cilës nuk dihet, pasditen e kësaj të mërkure  shfaqi probleme me frymëmarrjen, duke ndërruar jete.

Ende nuk bëhet e ditur nëse 50-vjeçarja kishte të tjera simptoma, që të bëjnë të dyshosh se mund të ishte e infektuar nga koronavirusi, pasi bluzat e bardha tregohen të rezervuar për të dhënë informacione.

Megjithatë pritetn rezultatet nga Instituti i Shëndetit Publik për të përcaktuar nëse 50-vjeçarja ka ndërruar jetë për shkak të koronavirusit apo komplikacioneve nga sëmundja prej së cilës vuante.