Ministri i Brendshëm Sandër Lleshaj ka reaguar lidhur me operacionin ‘Laboratori’, që çoi në pranga 11 persona, të cilët falsifikonin dokumente me qëllim trafikimin e njerëzve drejt Anglisë.
Lleshaj iu kujton shqiptarëve që i kanë rrugët e hapura të shkojnë drejt vendeve të BE-së, dhe nuk është e nevojshme që të bjenë pre e trafikantëve.
Ajo që nuk thotë ministri Lleshaj, është fakti se personat që kërkojnë të shkojnë me dokumenta të falsifikuara jashtë vendit, nuk duan të qendrojnë për tre muaj si turistë, por kërkojnë që të punësohen aty, si një mundësi për tu larguar nga Shqipëria.
Ministri Lleshaj në Twitter:
Operacioni policor “Laboratori” është një tjetër goditje kundër krimit të organizuar, i cili përpiqet të nxisë kalimin e paligjshëm të qytetarëve drejt vendeve perëndimore, duke nxjerrë përfitime financiare dhe duke dëmtuar rëndë interesat e tyre dhe të gjithë shoqërisë.
Qytetarët shqiptarë i kanë rrugët hapur për udhëtim të ligjshëm jashtë vendit, ndaj kërkohet kujdes për të mos rënë në rrjetet e trafikantëve.
Agjencitë përgjegjëse do ta thellojnë punën për të goditur në themel të gjitha rrjetet kriminale që veprojnë në këtë fushë, ku bashkëpunimi i qytetarëve është i domosdoshëm dhe krejtësisht edhe në favorin e tyre.
Operacioni të cilit i referohet ministri:
Furtunë në Tiranë/ Zbulohet laboratori i falsifikimeve, vihen në pranga 11 persona (Emrat)
Discussion about this post