Skënderbeu-Kukësi do të jetë pa tifozë.
Burime nga Federata Shqiptare e Futbollit bëjnë të ditur se për shkak të rasteve të para të shënuara me koronavirus në Shqipëri, ndeshja, e cila do të luhet në qytetin juglindor s’do ketë prani tifozësh.
Kjo do të shërbejë si masë shtesë parandaluese për përhapjen e koronavirusit. Ndeshja pritet të luhet në orën 18:00., dhe është një ndeshje me rëndësi për të dyja skuadrat.
Paraditen e sotme qeveria shqiptare vendosi për mbylljen e shkollave me dy javë, si dhe pezullimin e të gjitha aktiviteteve publike, që kanë grumbullim të madh njerëzish.
Edhe në Itali, që ka një numër më të madh të prekurish nga COVID-19 shumë prej ndeshjeve janë vendosur që të luhen pa tifozë.
