Ylli Manjani ishte i ftuar sonte në emisionin “Ajsberg” përballë gazetarit Artur Çani për të folur për situatën politike dhe atë juridike në lidhje me ngërçin pë emërimet në Gjykatën Kushtetuese.
I pyetur nga drejtuesi i emisionit, Artur Çani, nëse ka rend kushtetutës, juristi i njohur tha “se sot nuk kemi sundim të ligjit por sundim të njëshit.
Kjo që po ndodh në Shqipëri nuk ka ndodhur ndonjëherë, pasi tani kemi një parlament që bën edhe kontrata.
E bën këtë sepse ky parlament komandohet nga qeveria, nuk ka ndodhur që ky parlament të rrëzojë ligjet e qeverisë”.
Teksa kujtoi ndryshimet kushtetuese ai tha “se shumë deputetë votuan reformën në drejtësi edhe për hir të partive ku aderonin pasi shumë nga ata nuk ishin dakord”.
Ai përmendi rastin e ish-deputetit Përparim Spahiu që në atë kohë u shkarkua për një status ku tha se cfarë është kjo ONM që duhet ti japim atribute të tilla, jo vetëm Spahiu por edhe disa deputetë të Partisë Demokratike ishin mikluar sipas tij gjatë këtij votimi të kësaj reforme sipas Manjanit.
Sa i përket cështjes Dvorani dhe konfliktit kushtetues në lidhje me personin në fjalë ai tha “se kam respekt për të si jurist dhe si kontribues në sistemin e drejtësisë.
Dvorani ka një mandat me kushtetutën e vjetër por tani është kushtetuta e re dhe mandatet ndryshojnë, Zoti Dvorani e ka marrë mandatin me Kushtetutën e vjetër dhe duhet ta dorezonte me atë Kushtetute.
Ka një problem kushtetues por edhe moral pasi është gjyqtar i nivelit të lartë ,thotë Manjani.
I pyetur nëse ka demokraci në partitë politike ai kujtoi kohën e partisë socialiste ku tha se kishte demokraci brenda partisë deri në vitin 2004 ndërsa pas këtij viti nuk ka pasur me demokraci.
Sipas Manjani duhet të ketë kufizim të mandateve deri në 2 mandate jo vetëm për kyetarët e partive por edhe për kryeminstrin.
Discussion about this post