Profesor doktor Pëllumb Pipero ka folu mbrëmjen e sotme për rastin e denoncuar në Fax Neës ku një paciante prej ditësh ndodhet në Spitalin e Durrësit dhe vetëm ditën e sotme janë marrë masa nga autoritetet për izolimin e saj pasi ka rezultuar pozitiv me koronavirus.
Të afërmit e saj kanë thënë për Fax News se kanqë qëndruar me të infektuarën ndërsa janë ankuar për përgjigjen e stafit mjekësor duke evidentuar edhe se në numrin 127 ju kanë thënë se nuk ka tampon për ti kontrolluar nëse e kanë marrë edhe ata virusin.
Pipero tha në “Opinion” se rasti i Durrësit ishte një gabim por që sipas tij një gjë e tillë është bërë edhe në Itali dhe mund të ndodh kudo.
“Dje ju kam thënë lani sa më shesh duart, sot po ju them kufizoni lëvizjet. Edhe në Itali rasti i parë u konstatua pas 5 ditësh. Nëse në Durrës është bërë i njëjti gabim, është njerëzor, kodu mund të ndodhte”.
Në Spitalin Infektiv është paraqitur një familje prej 4 anëtarësh për të dhënë një kampion në lidhje me dyshimet që kanë për koronavirus.
Ata shprehen se kanë telefonuar prej disa ditësh numrin në dispozicion 127 por përgjigja ka qenë mospërfillëse ndërsa tregojnë se iu kanë komunikuar se nuk ka tampon.
Ata thonë se iu kanë komunikuar se do t’i vizitonin në shtëpi, ndërsa kjo nuk ka ndodhur. Pas insistimit të tyre, ata janë futur në ambjentet e Spitalit Infektiv për të kontaktuar me mjekët në lidhje me shqetësimin që kanë.
Familjarët kanë bërë një vetëkarantinim, ndërsa paniku i tyre është shtuar pas denoncimit për një tjetër rast në Durrës ku një grua e bllokuar pasi ka rezultuar pozitive me koronavirus.
4 personat e familjes shprehen se kanë pasur kontakt me gruan që është prekur nga virusi dhe dyshojnë se u është transmetuar edhe atyre për këtë alarmi pas konfirmimit të zonjës është rritur tek ata.
