Ditë pas dite që prej shfaqjes së rasteve të para me COVID-19 në vendin tonë, masat e ndërmarra nga qeveria kanë qenë të ashpra, duke e kthyer të gjithë vendin në një karantinë të madhe.
Gjatë ditës së sotme qeveria vendosi dhe ndalimin e ecjes së qytetarëve në rrugë, e cila do të lejohet vetëm gjatë dy fashave orare të ditës, masa që nuk janë marrë as në shtete si italia, ku numri i personave të prekur është shumë i lartë.
Në Shqipëri në vendin tonë janë zyrtarisht të evidentuar 58 raste me koronavirus, një shifër kjo që duket shumë e ulët, në krahasim me masat e ashpra të ndërmarra.
Për pedagogun e gazetarisë Zylyftar Bregu ka verëm një mundësi, ose autoritetet fshehin numrin e lartë të të prekurve, pse kryeministri po provon përmes frikës, sesa mund të mbajnë qytetarët.
Bregu shprehet se është e papranueshme që të privohet jeta e njerëzve në fshat, apo në qytete ku nuk ka pasur asnjë rast pozitiv me koronavirus.
Postimi i plotë i Bregut:
Çmenduri!
Shifrat e të prekurave me Korona nuk i justifikojnë këto masa ekstreme deri në përçmim për qytetarët!
Ose institucionet e shëndetësisë fshehin numrin e saktë të të prekurave me virusin, ose kryeministri ka vendosur qe nëpërmjet arbitraritetit në emër të frikës nga vdekja të provojë deri ku mban ky popull!
Pse duhet paralizuar jeta në Dibër, Kukës, Shkoder, apo diku tjetër ku ende nuk ka asnjë të prekur!
Pse duhet paralizuar jeta në fshat!
Presidenti në këtë rast duhet të angazhohet për të sqaruar këtë situatë absurde që nuk haset në asnjë vend tjetër.
(E.K/Faxweb.al)
Discussion about this post