Prokuroria e Përgjithshme ka nxjerr një udhëzim të përgjitshëm që ka për qëllim marrjen e disa masave proceduriale në prokuroritë me juridiksion të përgjithshëm në funksion të parandalimit të përhapjes së COVID-19 në institucionet e ekzekutimit të vendimeve penale.
Objekti i këtij udhëzimi është përcaktimi i masave proceduriale për të shmangur infeksionet e shkaktuar nga koronavirusi.
Sipas këti udhëzimi, duhet të vendoset marrja e masave proceduriale për bërjen kujdes sipas fazave të procedimit që ndahen në tre të tilla sipas Prokurorisë së Përgjigthshme, hetimet paraprake, diskutimet përfundimtare në gjykimet e themelit vlerësimin nëse plotësohen kushtet dhe kriteret ligjore për të kërkuar caktimin e dënimeve alternative të dënimit me burgim dhe parandalimin e përhapjes së coronavirusit të ri, dhe faza e fundit është ajo e ekzekutimit të vendimeve penale të formës së prerë .
Masat procedurale sipas fazave të procedimit penal
Drejtuesit e prokurorive me juridiksion të përgjithshëm, vlerësojnë gjendjen, problematikën dhe nevojat e marrjes së masave procedurale në lidhje me ushtrimin e ndjekjes penale në njësitë administrative që mbulon prokuroria që ai/ajo drejton, si dhe në zbatim të kompetencave të parashikuara në ligj vendosin marrjen e masave procedurale për bërjen kujdes sipas fazave të procedimit penal, siç mund të jenë:
- Në fazën e hetimeve paraprake, vlerësimin e kërkesave për caktimin e masave të sigurimit personal, në zbatim të kushteve dhe kritereve ligjore që garantojnë sigurinë e nevojshme personale të personit të arrestuar në flagrancë apo ndaluar ose të personit nën hetim, dhe parandalimin e përhapjes së coronavirusit të ri.
- Në fazën e diskutimeve përfundimtare në gjykimet e themelit vlerësimin, nëse plotësohen kushtet dhe kriteret ligjore për të kërkuar caktimin e dënimeve alternative të dënimit me burgim dhe parandalimin e përhapjes së coronavirusit të ri.
- Në fazën e ekzekutimit të vendimeve penale të formës së prerë, vlerësimin, nëse plotësohen kushtet dhe kriteret ligjor për të kërkuar shtyrjen e ekzekutimit të vendimit të dënimit me burgim dhe parandalimin e përhapjes së coronavirusit të ri;
nëse plotësohen kushtet dhe kriteret ligjore për vuajtjen e dënimit të mbetur me qëndrim në shtëpi dhe parandalimin e përhapjes së coronavirusit të ri.
Në zbatimin e këtij udhëzimi ngarkohen drejtuesit e Prokurorive.
(F.GJ/FAXWEB.AL)
Discussion about this post