Në vendin tonë zyrtarisht raportohet për 123 persona të infektuar me koronavirus, ndër to 5 kanë humbur jetën, ndërkohë që harta e qyteteve të prekura është zgjeruar.
Në një postim në rrjetet sociale, zëvendës kryeministri Erion Braçe u bën thirrje kryesisht të rinjëve që janë kthyer nga zona e kuqe në Itali me datat, 7,8,9 mars që të karantinohen pasi po vrasin njerëz.
“Po si ka mundësi? Nuk doni të kuptoni|? Po vrisni njerëz! Ne Korce mbesa e ardhur ne daten 8 infekton gjysherit mbi 70 vjec, ne Vlore djali i ardhur ne daten 9 infekton prinderit mbi 60 vjec, ne Lushnje djali i ardhur ne daten 10 infekton dy prinderit mbi 74 vjeç.” shkruan Braçe.
Por thirrja tashmë që virusi është përhapur në shumë qytete, mbetet ‘memece’ në një kohë kur qeveria mund të kishte marrë masa parandaluese, pasi që pas shfaqjes së virusit në Itali janë mbi 30 mijë qytetarë që kanë hyrë në kufijtë shqiptarë nëpermjet rrugëve toksore dhe ajrore.
Qeveria shprehej se ka marrë masa strikte në kufi për evidentimin e personave të prekur nga koronavirusit, ndërkohë që i këshillonte të vetëkarantinoheshin, por siç duket masat nuk kanë qenë aq rigoroze, pasi shifrat flasin të kundërtën.
KOMENTI I PLOTË;
Po si ka mundesi qe
NUK DONI TE KUPTONI?! E KAM ME SECILIN NGA JU QE
KENI ARDHUR NGA
ZONA E KUQE NE ITALI NE DATAT
8, 9, 10 MARS E ME TEJ;
PO VRISNI NJEREZ!
Kuptoni apo jo?
Ne Korce mbesa e ardhur ne daten 8 infekton gjysherit mbi 70 vjec,
ne Vlore djali i ardhur ne daten 9 infekton prinderit mbi 60 vjec,
ne Lushnje djali i ardhur ne daten 10 infekton dy prinderit mbi 74 vjec;
TE GJITHE NE FASHEN E RISKUT TE LARTE E NE VETEM TRE DITE!
Djem e vajza, nje dore e dhene, nje puthje shqiptare, nje perqafim po aq folklorik,
eshte si shkrehja e nje kobureje qe vret! As e ve ne dyshim qe i doni prinderit,
gjysherit, familjaret, madje dhe kusherinjte e kusherirat, POR PO I VRISNI!
Verini kyc zemres nese vertete i doni!
Tregoni nga vini dhe merrni distance fizike nga cilido qe doni e jo vetem!
Ndalini vizitat tek kusherinjte se “jeni kthy apo jane kthy nga jashte shteti e duhet me i shku e me ju shku”! BOLL SE PO JU MERRNI JETEN!
DO E KENI PENG JU GJITHE JETEN!
(M.Q/Faxweb.al)
Discussion about this post