Në pamundësi për ti takuar nga afër pacientët që janë shtruar në spitalin Infektiv, familjarë të tyre janë grumbulluar sot përpara spitalit me ushqime dhe me rroba.
Siç shihet dhe nga pamjet e siguruara nga Fax Neës familjarët nuk lejohet që të kalojnë rrethimin që ruhet nga policë, ndërsa mbajnë në duar çanta me rroba dhe me ushqime.
Derimë tani në vendin tonë janë prekur 146 persona nga Covid 19, 23 prej të cilëve vetëm në 24 orët e fundit.
Ndërkohë që një lajm pozitiv është ai i shërimit të 17 pacientëve, të cilët kanë rezultuar negativ pasi u janë nënshtruar dy testeve, dhe do të qendrojnë për 14 ditë në kushtet e vetëkarantinimit në banesat e tyre.
Në spitalin Infektiv ndodhen të shtruar 72 persona, 3 prej të cilëve ndodhen në gjendje kritike për jetën. Siç edhe dihet tashmë 5 persona e kanë humbur luftën me koronavirusin dhe kanë ndërruar jetë që prej mbërritjes së pandemisë në vendin tonë.
(E.K/Faxweb.al)
Discussion about this post